’آرٹیکل کا مقصد بشریٰ بی بی اور بانی کی کردار کشی ہے‘
چیئرمین پی ٹی آئی بیرسٹر گوہر نے بشریٰ بی بی اور عمران خان کے خلاف نشر ہونے والے آرٹیکل پر ردعمل دے دیا۔
اے آر وائی نیوز سے گفتگو کرتے ہوئے چیئرمین پی ٹی آئی بیرسٹر گوہر کا کہنا ہے کہ آرٹیکل شرانگیز اور جھوٹ پر مبنی ہے، ہم آرٹیکل کے خلاف قانونی چارہ جوئی کا حق رکھتے ہیں۔
انہوں نے کہا کہ آرٹیکل کا مقصد بشریٰ بی بی اور عمران خان کی کردار کشی ہے، بشریٰ بی بی صرف عمران خان کی اہلیہ ہونے کی وجہ سے جیل میں ہیں۔
یہ پڑھیں: بانی پی ٹی آئی نے اقتدار اور طاقت کے لیے اپنی پیرنی بشرٰی بی بی سے شادی کی، تہلکہ خیز انکشافات
بیرسٹر گوہر نے کہا کہ اس سے قبل بھی عدت جیسے گھٹیا الزامات لگائے گئے جس سے وہ بری ہوئیں، یہ بھی ایک من گھڑت کہانی ہے، ایسے ہتھکنڈوں سے بشریٰ بی بی کو نہیں توڑا جاسکے گا۔
چیئرمین پی ٹی آئی نے کہا کہ اس وقت وہ جیل میں ہیں، اس قسم کے آرٹیکل کی مذمت کرتے ہیں، اس قسم کے آرٹیکل اسپانسرڈ ہوتے ہیں، وقت ثابت کرے گا یہ باتیں بھی غلط بیانی پر مبنی اور بے بنیاد ہیں۔
About The Author
