پاکستان کے سمندر میں تیل و گیس کی تلاش میں بڑی پیش رفت

اسلام آباد : پاکستان کے سمندر میں تیل و گیس کی تلاش کے لئے ماڑی انرجیز کو 23 بلاکس ایوارڈ کردیئے گئے، یہ بلاکس لائسنسز، پروڈکشن شیئرنگ اور جوائنٹ آپریٹنگ ایگریمنٹس سے مشروط ہیں۔

تفصیلات کے مطابق پاکستان میں توانائی کے شعبے میں اہم پیش رفت ہوئی ہے، جہاں ڈائریکٹوریٹ آف پیٹرولیم نے سمندر میں تیل و گیس کی تلاش کے لیے 23 عبوری ٹینڈرز ایوارڈ کیے ہیں۔

اس دوران ماڑی انرجیز کو کل 18 بلاکس بطور آپریٹر تفویض کیے گئے، جن میں سے 5 بلاکس میں کمپنی دیگر کمپنیوں کے ساتھ جوائنٹ وینچر کے تحت کام کرے گی۔

ایوارڈ کیے گئے بلاکس میں 12 انڈس آف شور اور 11 مکران آف شور میں واقع ہیں۔ یہ بلاکس لائسنسز، پروڈکشن شیئرنگ اور جوائنٹ آپریٹنگ ایگریمنٹس سے مشروط ہیں۔

پاکستان اسٹاک ایکسچینج میں ماڑی انرجیز نے اہم معلومات کا لیٹر اسٹاک ایکسچینج کو موصول ہوگئی ہے، منصوبے کا مقصد پاکستان کی توانائی سیکیورٹی کو مضبوط بنانا اور ہائیڈروکاربن ذخائر کی دریافت کو فروغ دینا ہے۔

یاد رہے ماری انرجیز لمیٹڈ کو تیئس نئے آف شورایکسپلوریشن بلاکس ایوارڈ کئے گئے تھے، کمپنی اعلامیہ میں کہا گیا کہ ڈائریکٹوریٹ جنرل پٹرولیم کنسیشنز نے نئے بلاکس ایوارڈ کا مراسلہ بارہ نومبر دوہزار پچیس کو جاری کیا۔

ماری انرجیز اٹھارہ بلاکس بطورآپریٹر جبکہ پانچ بلاکس پرجوائنٹ وینچرپارٹنر کے ساتھ کام کرے گی، بلاکس کی الاٹمنٹ پاکستان ای اینڈ پی آف شور بِڈ راؤنڈ 2025 کی بولی کے نتیجے میں دی گئی ہے۔

اعلامیہ میں کہنا تھا کہ ماری انرجیز نے ترکش پٹرولیم اوورسیزکمپنی، او جی ڈی سی ایل، پی پی ایل، پرائم گلوبل انرجیز، یوای پی، اورینٹ پٹرولیم اور فاطمہ پٹرولیم کے ساتھ شراکت داری کی ہے۔