بانی پی ٹی آئی نے اقتدار اور طاقت کے لیے اپنی پیرنی بشرٰی بی بی سے شادی کی، تہلکہ خیز انکشافات
دی اکنامسٹ رپورٹ میں بانی پی ٹی آئی اور بشریٰ بی بی کے حوالے سے تہلکہ خیز انکشافات سامنے آگئے ، جس میں بتایا بانی پی ٹی آئی نے اقتدار اور طاقت کے لیے اپنی پیرنی بشرٰی بی بی سے شادی کی۔
تفصیلات کے مطابق دی اکنامسٹ گروپ کے ڈیجیٹل میگزین 1843 بشریٰ بی بی سے متعلق تہلکہ خیز رپورٹ سامنے لے آیا ، جس میں کہا گیا ہے کہ پنجاب کی پیرنی نےبانی پی ٹی آئی کی ذاتی زندگی، سیاست پر عملیات اور جادو ٹونے کا رنگ چڑھایا، بانی نے بھی دنیاوی کامیابی کے لیے پیرنی کی ہر بات پرعمل کیا یہاں تک کہ اقتدار اور طاقت کے لیے اپنی پیرنی بشرٰی سے شادی تک کرڈالی۔
دی اکنامسٹ نے لکھا گھریلو ملازمین نے بشریٰ بی بی کے عملیات کے لیے بازار سے چیزیں لانے کا بتایا، بشریٰ بی بی گوشت، کالے جانور کے سراور کلیجی منگواتی تھیں اور عملیات سےسابق اہلیہ ریحام خان کی بدروحیں دور کرتی تھیں۔
رپورٹ میں کہا گیا کہ وزیراعظم بننےکےبعد بھی بانی عملیات،توہم پرستی کےخرافات کا شکار رہے، میرٹ کے محض نعرے تھے ، ریاستی امور میں بشریٰ بی بی حرف آخر سمجھی جاتی تھیں، بشریٰ بی بی نے تقرریوں، روزمرہ فیصلوں، سفر کے اوقات پر بھی عملیات کارنگ چڑھایا، ان کی اجازت کےبغیروزیراعظم کا طیارہ اڑان نہ بھرتا تھا۔
About The Author
